北海道食堂 (Closed)

早排相約舊同事見面話要出嚟聚聚舊，諗住搵間坐得舒服又可以大刷一餐嘅餐廳，同事就提議去沙田中心嘅「北海道食堂」嚟個久違嘅日式放題😋😋幸好我地有預先book定台，平日7點左右都已經全院滿座，想食得好d又食得豪d，我地就揀咗「極盛放題」，仲有另外兩款較經濟實惠嘅「極上放題」同「特上放題」，食物種類有所不同，豐儉由人。另外要讚嘅地方係餐廳推行環保政策，食客只需係膠板餐牌寫低數量，下單後店員會抹走之前嘅記錄又可以重用啦👍🏻「極盛放題」有齊刺身、壽司、卷物、手卷、炸物、串燒同燒物，另外同其他日式放題不同嘅地方就係北海道食堂仲有即叫即燒嘅鐵板美食😋刺身 - 多款刺身夠新鮮鮮甜，仲件件厚切，大推大大粒嘅帶子同白玉豚👍🏻壽司🍣 - 壽司細細件仲可以食多幾款，試咗芒果鵝肝手卷有幾特別幾有驚喜，芒果酸酸地中和鵝肝嘅油膩感炸物 - 天婦羅有勁多款，眼花撩亂樣樣都想試，粉漿夠薄身又夠脆，炸池魚仔、多春魚同秋葵天婦羅🍤就算凍咗都仲脆身好味鐵板 - 必試高質即叫即燒鐵板美食，海鮮同多款肉類都好夠鑊氣，火侯十足🔥，我地encore 咗兩次鐵板蝦同魷魚鬚，勁鮮甜彈牙，羊架大大件仲無羶味，嗌幾多就真係嚟幾多，勁滿足