滿屋日本料理 (大鴻輝(荃灣)中心) (Closed)

難得約到媽咪食放題，勢估唔到食完呢餐又開始無了期既禁晚市堂食喇😕係荃灣行完一輪街5:30就上左滿屋諗住等位食放題，原來呢個鐘數已經有人開始食緊，我地都好快入左座。餐廳剛剛拖完地比較濕滑，餐廳員工都有提我地小心行👍🏻一坐低即刻剔紙仔，超多選擇😱我獨自KO左全部😂有北寄貝、甜蝦、象拔蚌、帶子等等，全部都有鮮味👍🏻壽司食左小小火炙類，最中意燒三文魚🍣 熱食方面試左中湯，係佛手瓜煲紅蘿蔔🥕甜甜地幾好飲。另外仲有凍青口、凍蝦、沙律可以自取，大家記得戴好口罩先出去拎野食呀。炸物方面最中意榴連炸彈，好濃味，炸雞翼都好滑。燒菠蘿超好味，勁多汁酸酸甜甜。最後以哈根大師既焦糖雪糕劃上完美句號。☺️