霸嗎拉麵 (金巴利道)

Open Now

Now Closed

近幾個月因工事關係經常到尖沙咀，每次經過都見到人龍，心諗咪又係普通拉麵一間，今日6點前收工經過加上心血來潮又咁好彩見到淨係得幾個人排隊，就決定試下你。排隊期間叫左炙燒豚肉味肉拉麵，唐揚炸雞，枝豆首先出場豚肉味玉拉麵，擺得餐牌第一行應該係招牌菜啦，湯底夠濃不負佢招牌最強濃厚，豬骨味夠出，唔似其他豬骨湯淨係得個咸字飲唔出豬骨味，飲到佢係用左唔少豬骨係湯膽入面，我選左硬麵，麵身咬口一般但湯底可以蓋過依個弱點，豚肉夠厚身及香口，前期處理得唔錯，雞蛋無刻意切開一半，但一咬蛋黃流心，有d拉麵店唔太注重蛋溫度，但依隻蛋夠熱！所以後加多一隻。唐揚炸雞絕對有驚喜，原本諗住係好普通炸雞小食，但出乎意料主打拉麵食店，但炸雞竟然做到外脆內軟，肉汁充足，唔係一般柴皮炸雞，而且大舊有咬口，依個真係意想不到。枝豆，都係枝豆，無特別。總結：區內少有有水準日式拉麵店，炸雞真有驚喜，絕對會再來。