由地下既得成幫襯到佢上樓變薔紅,水準確係有保持
之前同同事黎食飯,比隔離枱切開既豬手香味所吸引,今日一定要試一試
我叫左多汁,因為本人係汁撈飯迷^皿^
隻豬手真係好大!!大過我個拳頭!!!
皮有d脆,切開果陣豬手味真係幾香
已經忍唔住放落口品嚐
脆皮之下就係軟腍腍既肥膏~!!果然夠肥美
原以為唔夠食所以叫定多飯,點知個豬手飯真係堅飽!!
淨係食隻豬手都有7成飽喇!!!
朋友叫左燒春雞,有埋手套比埋,唔錯唔錯!!
睇住佢手撕隻雞好似好吸引咁
忍唔住叫佢撕D黎試下。
口感好似吊燒雞,好脆有DD咸,但勁有雞味=P
佢知我鍾意食雞就比左隻雞脾我,真係啖啖肉好鬼正呀\(^0^)/
