茶木‧台式休閒餐廳 (Closed)

Happy Friday 放左工就緊係要出街食餐好嫁啦！突然心血來潮想食茶木🤣 依家旺角除左瓊華呢間 係朗豪坊都開左間！不過我最後都係揀左去返瓊華呢間🙈 始終都最耐歷史呀嗎😂 未上到去十樓拎飛就先要係樓下排隊等lift搭上樓 雖然一開始都俾條隊嚇左嚇 但其實都唔算要等好耐就已經上到樓啦☺️去到茶木門口有部自助拎飛機 又有個mon俾你睇下嗌到邊張飛 真係好方便 以後都唔洗再成日問職員嗌到幾多號枱 真係好值得俾個👍🏻雖然係星期五 但係等左大約二十分鐘就有枱俾我入啦🤗朱古力火山 芒果蜂蜜蘆薈 兩杯都好好飲😚香酥花枝 好香口！都有成十幾粒👍🏻香酥排骨肉燥飯 每次黎到都必食既肉燥飯！正😋 排骨有好多舊 又炸得勁香 但係食完會覺得有啲熱氣😂烏賊汁奶油中卷手作麵👌🏻 第一次食 都幾特別😉 值得一讚既係啲麵真係好彈牙！同湯麵既麵應該係同一款！好好味😋雖然食得茶木就好想食埋個吐司塔 但係食完正餐已經好飽完全唔會食得落甜品啦🤣