鼎留香新潮滷味專門店 (Moved) New Location

未搬舖前見經常有人排隊, 今日終於有機會試到喇!新舖就喺渣華道街市對面, 有堂食嘅位但一直都未開, 唔知係唔係未拎到牌呢?!擺哂出嚟, 要乜指比師傅睇就得架喇!我叫咗半隻鵝, 兩隻鵝翼同一件豆腐, 先點單然後行去收銀比錢, 師傅就喺嗰刻幫你斬件打包好。返到屋企打開, 真係嘩咗一聲, 好大盒, 鵝片厚薄分明, 肥瘦剛好, 好入味, 比起其他潮州飯店食到嘅水準更高, 價錢仲要平好多!!另外, 不得不提鹵水汁, 同豆腐真係好夾, 連本身唔係咁鍾意食豆腐嘅我都忍唔住係咁點嚟食呀!!香港嘅地道小店買少見少, 希望大家經過都支持下呢間舖啦!!