Video
Read full review
2019-07-29
148 views
呢度係一間專門食豬肉串燒嘅樓上居酒屋，滿心歡喜同期待食林林總總的豬肉串燒～枱面都有好多豬仔擺設，好得意～首先係開胃嘅前菜，蕃茄加咗蒜油同埋香蔥，好清新。嚟到居酒屋梗係要小酌一杯啦，呢杯係自家製嘅菠蘿燒酌，香濃菠蘿汁加上淡淡酒意，非常可口，會不知不覺間一口接一口～粒貝刺身爽口鮮甜，唔使點豉油Wasabi都已經好正，夠晒原汁原味。芝士翠玉瓜上面嘅芝士剛剛溶化，而翠玉瓜內裏多汁，很好的配搭。豬腸好肥美，第一次咁樣食日式豬腸串燒，風味完全唔同！雞翼燒嘅時候已經拆開左，方便食，損骨損得好滋味～月見免治豬肉串配雞蛋一齊食，口感更加豐富，食落更加滑溜。蒜心豬肉卷包住的蔬菜少少爽口，富有豬油香味可口，外面的豚肉燒至金黃，好香口。食食吓小酌一杯又點夠，叫多咗杯咖啡燒酌，都係自家製的，外邊飲唔到呢個味道，咖啡味道非常香濃，非常喜歡這杯！～最後甜品食咗個柚子雪葩，酸酸的帶一點甜，冰鎮一下味蕾，好爽！
首先係開胃嘅前菜，蕃茄加咗蒜油同埋香蔥，好清新。
嚟到居酒屋梗係要小酌一杯啦，呢杯係自家製嘅菠蘿燒酌，香濃菠蘿汁加上淡淡酒意，非常可口，會不知不覺間一口接一口～
粒貝刺身爽口鮮甜，唔使點豉油Wasabi都已經好正，夠晒原汁原味。
芝士翠玉瓜上面嘅芝士剛剛溶化，而翠玉瓜內裏多汁，很好的配搭。
豬腸好肥美，第一次咁樣食日式豬腸串燒，風味完全唔同！
雞翼燒嘅時候已經拆開左，方便食，損骨損得好滋味～
月見免治豬肉串配雞蛋一齊食，口感更加豐富，食落更加滑溜。
蒜心豬肉卷包住的蔬菜少少爽口，富有豬油香味可口，外面的豚肉燒至金黃，好香口。
食食吓小酌一杯又點夠，叫多咗杯咖啡燒酌，都係自家製的，外邊飲唔到呢個味道，咖啡味道非常香濃，非常喜歡這杯！～
最後甜品食咗個柚子雪葩，酸酸的帶一點甜，冰鎮一下味蕾，好爽！
Post
