海南少爺 (Closed)

第一次試呢間餐廳嘅外賣, 主打星馬菜式, 餐牌上嘅食物款式好多~ 叫完外賣大概等咗15分鐘就攞得, 幾有效率呢👍🏻! 《海南雞飯》海南雞➕雞油飯➕雞湯用百日三黃雞, 海南雞完全冇骨, 雞肉嫩滑, 啖啖肉; 雞油飯粒粒分明, 有油香。另外會配上薑蓉、甜醬油、特製辣醬, 三色醬伴海南雞一齊食, 好好味😋! 《炒貴刁》用上油麵及河粉, 混合兩種麵令口感更豐富! 配上大蝦、炒蛋、臘腸、芽菜、韭菜等等。炒貴刁炒得夠鑊氣, 蝦仁爽口彈牙, 整體唔會太油。《滷水拼盤》呢個拼盤好豐富, 有豬手、雞腳、鴨蛋、豆腐、花生🥜。滷水汁唔會太鹹, 鹹甜度恰到好處, 好鍾意個鴨蛋同豆腐, 吸晒啲汁, 滷豬手好入味!