婆婆珈琲屋

Open Now

Now Closed

二訪婆婆珈琲屋，剛好餐廳近月轉了餐單，推出秋冬餐牌。咖啡店主打家庭式料理的，定食包飯團或湯烏冬、自家製啤酒柚子蘿蔔漬，和自由配搭的冷、熱料理。我地今次自選的料理，包括：冷菜：清酒溏心蛋🥚，蘋果馬鈴薯沙律🥔，醬油五目🫒🍽️清酒溏心蛋酒味不算濃烈，甜甜地，半熟蛋黃蛋味濃郁。🍽️粒粒蘋果混入馬鈴薯蓉，依個配搭都幾清新，爽甜有咬口，薯蓉入面有薯粒，面頭加上果仁，再增添口感。🍽️醬油五木係素菜，包括菇粒、紅蘿蔔粒、青豆、豆腐堆砌一起，清淡、健康又不寡。熱菜：婆婆咖喱🥘，北海道芝士薯餅🍘，黑松露野菜鮮蝦包🦐🍽️婆婆咖喱係甜咖喱，偏杰身香濃，裏面有雞肉、紅蘿蔔、薯仔🥔 炆得好入味。🍽️北海道芝士薯餅外層金黃香脆，裏面芝士多到流心，薯仔同芝士比例又剛好，配檸檬汁好味又解膩。🍽️黑松露野菜鮮蝦包賣相治愈，一個腐皮袋裝住鮮蝦、菠菜、紅蘿蔔粒、粟米粒、壽喜菇，不過黑松露味唔算太突出。個野菜包同烏冬超夾。⛰️沖繩海鹽富士山蛋糕造型吸睛，藍色部分係蝶豆花，蛋糕質感係戚風蛋糕混合芝士蛋糕，口感濕潤綿密，上面再淋上奶蓋，並配上焦糖脆脆和海鹽雪糕，多重口感。近日天氣寒冷，好適合飲黑糖薑母鮮奶，可以軀寒祛濕，幾鐘意佢唔太甜，好暖胃。