蓮香樓 (Changed Hand) New Restaurant

星期日同老婆去舊中環警署睇<再織城市>前，黎呢度飲個茶先。我地約11點到，已經人山人海，好不容易搵到位，剛巧員工用膳，想搵人執執台都難，最後終於有個叔叔幫手執台開茶。我同老婆都係第一次黎呢度飲茶，都唔知"架部"，好彩同台有位熱心女士教我地，仲介紹有咩好食。我地叫左茶盅普洱，滑口香濃。山竹牛肉- 老公鍾意食，熱心女士話係必食!叉燒包- 包餡濃味，包身鬆軟，好!鳳爪排骨- 只有一隻鳳爪，入味，排骨則一般。豬潤腸粉- 老婆鍾意食，但腸粉略嫌不夠滑。呢度既環境真係好一般，而且仲要打醒十二分精神"喉"住D出爐點心，加上人多，場合墟冚，係一個難忘既經歷!