串酒里 (Closed)

串燒我就食得多，山林道嘅「串酒里」地方方便，環境亦都不錯，最緊要又有啤酒飲又有串燒食可以夜晚去試試。餐牌上面好多各樣唔同嘅菜式都有,餐廳都整潔夠光猛。「做人冇夢想同鹹魚有咩一樣」一句我感受到店主嘅熱誠同埋對飲食嘅要求。我地點左兩支啤酒翡翠螺好多粒，一份都只係＄58，滋味無窮。香草燒羊架嘅香料用得非常之足，亦都會有檸檬汁係旁邊比我哋支啲上個面度，劈咗嗰陣蘇味，我哋兩個鍾意食羊，所以10分推介。黑松露燒元貝有黑松露同埋蒜味，黑松露味唔係話好夠，但係蒜就好濃郁。另外都叫咗海蝦，用芝士燒嘅海蝦，尚算香濃，不錯之選。另外我哋仲食咗虎皮椒同埋燒青葵，兩款食物都燒到剛剛好，去燒嘢食我一定要有少少蔬菜嘅點綴，呢道菜下酒都唔錯。茄子汁鎖住左係茄子入邊， 唔會燒得好乾身，蒜蓉都非常之足夠。安格斯牛柳粒，肉質幾嫩口，肉汁亦都鎖住左係入邊，牛味非常之足夠。去食串燒，點可以唔食雞泡魚干呢，佢嘅雞泡魚干燒得啱啱好，簡單又好食，自己係屋企都整唔到。呢個棉花糖薄餅，係朋友特定要叫嘅，棉花糖嘅甜味配薄餅底，成餐飯嘅一大享受。