串酒里 (Closed)

呢一間串燒小店，可以真係話完全收埋喺巷仔入邊，冇熟人帶路跟本唔識行😂舖頭環境唔大，大概只有六張枱左右，但環境佈置都OK，木系主調有少少居酒屋feel。最大亮點應該係呢度有香港製造嘅粗口手工啤，而且有兩款係用上中藥藥材黎釀成，我飲嘅呢支東革亞里中藥味直頭特出，麥味相對少🤣但我覺得試一試無妨，始終帶有中藥藥效，但如果接受唔到中藥味嘅話，就叫返其他基本味道好d😳串燒必嗌麻辣醬豬🤤味道一流帶有後勁，小辣程度，豬亦燒得啱啱好，嫩口！肥膏位好正！另外最有印象嘅應該係牛舌心，大塊厚切好彈牙爽口！其他串燒正常發揮，豬牛雞都叫左，整體偏重口味。