串Grill 自助燒烤專門店 (廣華街) (Closed)

喺香港都好少食呢類型嘅串燒店, 因為以前都比較多喺內地食, 今日同同事放工試試呢間餐廳解解串燒癮。呢間鋪頭好細, 只有5-6張枱, 如果想食最好book定位先, 入到嚟有餐牌可以點野食, 限時內任叫, 雖然款式唔係太多, 但豬牛雞羊菜都有晒, 我個人而言最鍾意就係食佢既牛柳粒, 呢到既肉大部份都係冇落醃料, 追求重口味嘅人可能就冇咁鍾意, 但係我認為咁樣可以更加清楚食到肉本身嘅鮮味, 肉味夠嘅話落少少鹽已經好好食。鋪頭內係用自動燒既形式, 將串燒放係爐上就會自動旋轉, 而且可以調校爐頭嘅火力, 我自己個人就非常之喜歡食辣, 而且佢呢度都有辣粉提供。燒既過程油煙都唔會好大, 而且熟左既食物可以放喺上面個架慢慢食。店員既反應都好快, 可能係因為間舖頭唔大嘅關係😂。