招牌菜推介
焦糖菠蘿鵝肝醬多士
每一啖都好香鵝肝味，鵝肝醬滑身，焦糖菠蘿甜得黎有層次，配多士夠晒豐富，啱晒邊食邊傾偈。
味噌松阪豬
呢個串燒小驚喜，松阪豬脂香兼彈牙，用味噌醃過後更加惹味，口感爽脆又有層次。
泰式魷魚串
魷魚厚肉彈牙，配上泰式酸辣蘸醬，食落特別醒胃，超啱夏天啤酒/雞尾酒一齊食。
燒茄子
茄子燒到外皮微焦，入面仲保留住啲水份，入口好滑。辣粉和孜然粉配搭得很好，好夠味。
紫菜鵪鶉蛋卷
有創意又邪惡，鵪鶉蛋每粒都嫩滑，外面包住紫菜，一啖咬落口感好有驚喜！
紫菜墨魚大蝦卷
墨魚同大蝦夾埋食，鮮味升級，加紫菜後層次多咗，海鮮味道特別突出。
環境氣氛
裝修走日系簡約路線，木枱配吊燈，燈光柔和好有燒酒小店feel。位置唔算多，但好適合幾個朋友一齊聚餐，傾計都唔會太嘈。
1
