汀汀烤活魚 (Closed)

來到旺角好掛住街頭小食，但想找個地方坐下來同個老友傾計，所以選擇在汀汀烤活魚，聽個名以為一定要食烤魚，但佢選擇還有雞煲，麻辣火鍋，串燒，小食等。而今晚我地兩個女仔就選擇咗食雞煲加串燒，卜卜蜆雞煲（半只）配蒜香味湯底$188，等左幾分鐘，雞煲熱辣辣呈現，雞件金黃色，配料好香，細看之下蜆肉有點沈在雞煲下，蜆肉好鮮甜，一d沙石也沒有，雞肉醃制的口味岩岩好。燒魷魚須，魷魚切到細細粒比較容易入口，燒韭菜燒到一啲都唔會乾身，醬汁好正燒雞泡魚乾好香口，汁燒鴨舌帶點辣味而又惹味，串燒做到好出色。總結：傾計一流的地方！