爆汗串串 (Closed)

甚少返大陸嘅我哋，聽到身邊朋友成日介紹返上去食麻辣嘢，咩麻辣燙呀、串串呀......其實想食唔一定要北上嘅，香港都有好介紹。呢間位於旺角嘅爆汗串串，夠香夠辣，仲真係會爆汗，下次再去食真係要帶件T-Shirt去換先得。爆汗小食一開始就梗係食住啲小食，開下胃先啦！共有八款小食，任君選擇，包括：蒜泥青瓜、麻辣千層肚、棒棒雞、麻辣腐皮、酸辣厥根粉、香辣無骨鳳爪、麻辣鴨血豆腐同鐘水餃！香辣無骨鳳爪，辣味啱啱好，好惹味！另外棒棒雞都係值得推介，嫩滑雞絲配爽口青瓜絲，再淋上香口麻醬，清新開胃，正！串串串串嘅選擇有接近40款，盡情任食，唔洗就住就住，咁先夠爽！而食串串，最重要當然係個麻辣啦，由成都直送嘅香料，用香葉、草果、桂皮、丁香、紅花椒、印度椒、八角等多種配料，再加入豬骨同雞骨熬製，最後加埋成都秘製辣椒油，真係麻、香、辣都齊晒！而串串一次過上枱，無漏單。萵筍同蓮藕係同麻辣最夾，爽脆得嚟又爽晒汁！而牛肉、雞肉同五花肉都勁入味！仲有丸類、餃類、魷魚同牛栢葉，都好好味。不過，豆卜同豆腐干就略嫌唔夠索汁喇。想解辣，除咗可以任飲啤酒、汽水同豆漿，又點少得成都老冰粉呢？一碗裡面有冰粉、芝麻、山渣同提子乾，解辣