祥仔 (K11購物藝術館)

Open Now

Now Closed

女兒在K11訂咗蛋糕，叫我陪佢去拎，經過一間裝修得好精緻港式西餐廳叫做祥仔，看到門口餐牌都好啱食，女兒說入去食晚餐，試試味道！祥仔脆脆豬扒飯：將厚切豬扒醃製，之後慢煮，再沾上日本空運的麵包糠，即叫即炸，豬扒酥脆鮮嫩，飯面上的醬汁是用新鮮意大利蕃茄、洋蔥、蘑菇等做成，酸甜度適中，美味可口！加28元升級套餐，(隨餐附送兩日兩夜羅宋湯及咖啡/茶)，羅宋湯真的是用兩日兩夜精心泡製，先將新鮮材料煮成湯，然後放入雪櫃雪一夜，再熬煮令湯更入味，再放回雪櫃再雪一夜，翌日煮返滾就可以給客人享用，羅宋湯濃郁美味好喝！凍檸蜜(凍飲加2元)。香滑燒春雞：春雞用熱辣辣的鐵板盛載上枱，將秘製醬汁淋在春雞上，鐵板發出沙沙聲，立刻香味四溢，令人唾涎！春雞肉質嫩滑，十分惹味！薑汁焦糖燉蛋：面層焦糖甜甜的好脆口，燉蛋香甜滑溜帶有薑的香味。