Flagship

Open Now

Now Closed

我欣賞傳統美食嘅承傳，亦都好佩服fusion菜嘅創新。今日同朋友黎咗一間灣仔船街嘅西餐廳。入面有聽落好大路嘅西餐食品，實際上好多細節位都睇到放咗心思：好似個 🥗流心水牛芝士沙律Burrata Bowl $168坊間水牛芝士沙律係一粒水牛芝士波配一片片蕃茄。呢度將個蕃茄打成粉，配合埋炒咗嘅洋蔥同埋炸過嘅羽衣甘藍，撈埋一齊食。所有食材混合埋一啖，熟洋蔥甜、炸羽衣甘藍爽脆、芝士配蕃茄粉口感好清新。🐖 21天 熟成厚切豬扒 21 Days Dry Aged Pork $338 迷你版嘅斧頭豬扒，經過醃製，慢煮12小時，保持豬肉軟腍嘅質感同豐富嘅肉汁。慢煮加以烘焙，外層香口，令熟成嘅肉味更顯豐富。就算係伴碟配菜都出色，有經常喺扒房先見到嘅燒原個蒜頭，配上豬扒同樣出眾。（季節限定）🦀大閘蟹膏燴飯 Hairy Crab Butter Risotto $368 我地好好奇點可以做出香濃蟹味，店員表示原來微調咗薑絲喺入面。個燴飯米身煮腍之後質地呈奶油狀，冇傳統燴飯咁有咬口，但覺得更適合怕食米骨嘅朋友。西式餐融合中式（或甚是港式）口味，的確值得支持👍。