Video
Read full review
2017-10-01
962 views
同同事黎到雅·悠蔬食，同事一向有食開素，是晚就想同佢黎試下新派的素菜。不久前食過銅鑼灣分店，尖沙咀店好像係新開的？地面上完全無易拉架或其他招牌，還真是有點難搵。上到店內，環境唔錯喎，地方大點，粉紫色的橫裝很溫馨。是晚雖然係平日晚，但食客也不少，幾乎全店滿坐。店員好快就set好餐具，斟水同送上餐牌。從頭到尾睇完一次後，都係決定食dinner set，一黎抵食啲，二黎dinner set入面已經有想食的東東。茶樹菇竹笙黃耳百合燉湯先來中式湯品，一開蓋已聞到勁香，一壺一壺燉熱原汁原味，素菜湯亦可以很鮮甜，而且完全無油，好飲又健康。黑松露椰菜花忌廉濃湯同樣亦試下西式素湯，好香黑松露味，忌廉湯好滑，都好飲，不過個人喜歡熱湯，呢個只是半溫，兩者選擇就會投中湯一票。羅馬蕃茄藜麥伴胡麻醬一口蕃茄仔鮮甜水嫩，而且胡麻醬真係好好味。泰式青芒果鮮果沙律微辣帶酸又爽口，好清新，非常合適的開胃菜。麻醬沙薑豆絲粉皮不是雞絲而換作豆絲，但味道完全不受影響，豆絲口味不錯，粉皮煙韌，麻醬香口，加上青新的青瓜絲，味道好味又平衡，正。露筍素香鬆苜蓿芽手卷＆香芒牛油果苜蓿芽手卷是沒有飯的手卷啊，包著滿滿的苜蓿芽，很爽口，新鮮
不久前食過銅鑼灣分店，尖沙咀店好像係新開的？地面上完全無易拉架或其他招牌，還真是有點難搵。上到店內，環境唔錯喎，地方大點，粉紫色的橫裝很溫馨。是晚雖然係平日晚，但食客也不少，幾乎全店滿坐。
店員好快就set好餐具，斟水同送上餐牌。從頭到尾睇完一次後，都係決定食dinner set，一黎抵食啲，二黎dinner set入面已經有想食的東東。
茶樹菇竹笙黃耳百合燉湯先來中式湯品，一開蓋已聞到勁香，一壺一壺燉熱原汁原味，素菜湯亦可以很鮮甜，而且完全無油，好飲又健康。
黑松露椰菜花忌廉濃湯同樣亦試下西式素湯，好香黑松露味，忌廉湯好滑，都好飲，不過個人喜歡熱湯，呢個只是半溫，兩者選擇就會投中湯一票。
羅馬蕃茄藜麥伴胡麻醬一口蕃茄仔鮮甜水嫩，而且胡麻醬真係好好味。
泰式青芒果鮮果沙律微辣帶酸又爽口，好清新，非常合適的開胃菜。
麻醬沙薑豆絲粉皮不是雞絲而換作豆絲，但味道完全不受影響，豆絲口味不錯，粉皮煙韌，麻醬香口，加上青新的青瓜絲，味道好味又平衡，正。
露筍素香鬆苜蓿芽手卷＆香芒牛油果苜蓿芽手卷是沒有飯的手卷啊，包著滿滿的苜蓿芽，很爽口，新鮮的蔬菜味好正，兩款口味都好好味。
素咖哩野菜猴頭菇配印度薄餅及珍珠糙米飯（$238）主菜要了咖哩，同時配有薄餅及飯，看似少少的但原來十分飽肚！薄餅煎得香口不油膩，飯混了糙米變得煙韌有咬口，仲有主角咖哩，個汁超正，濃郁椰汁味，又香又滑，內裏有有不少椰菜花，茄子，菇等，調味十分好，太太太好味，食淨半碟咖哩都打包走左。
和風牛肝菌野菜燴扁意粉（$238）另一款主菜要了意粉，西日合壁，用了甜豉油去煮，味道甜而不膩，除了牛肝菌還下了不少雜菇，鮮嫩多汁甚有咬口，不過太飽了，打包了大半碟。
熱蜂蜜檸檬水（+$10）＆熱英式紅茶配檸檬（+$10）好飽好飽，飲番杯檸檬類酸下先，同事要了熱檸蜜，甜度剛好，自己要了熱檸茶，茶好香啊，剛好去去膩。
雙檸乳酪蛋糕＆宇治抹茶紅豆椰汁糕再飽也是食得落甜品的，兩款甜品都試試，蛋糕酸酸地加上豐厚的芝士香，又綿又滑好味喎。綠茶糕味道平衡，食到綠茶同椰汁味，紅豆軟綿微甜，整體感覺良好。
鮮磨腰果露配湯丸（+$38）看餐牌已決定要追加一客甜品，太想食了，再飽也要點，哈哈。腰果露夠哂熱，好香又磨得滑，口感一流，湯丸係芝麻湯丸，一碗四粒，一人一半分著吃剛剛好。
美味又滿足，同事大讚好正，一定推介比食素朋友喎。
Post
