496
42
14
Restaurant: Leisurely Veggie
Info:

To promote a new salt and sugar reduction (RSS) dietary culture and living style to the people of Hong Kong, the Food and Health Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department has launched the "League of RSS-friendly Restaurants" ("League"). Restaurants participated in the League will offer less-salt-and-sugar options to the consumer or even tailor-make less salt or sugar dishes in designated restaurants. Participating restaurants will be granted with the League Labels for displaying in the premises for public identification. For details, please click here, https://www.fhb.gov.hk/en/our_work/feh/rssf.html

4-min walk from Exit B2 / P2, Tsim Sha Tsui / East Tsim Sha Tsui MTR Station continue reading
All Branches (2)
Telephone
37065827
Additional Information
minimum charges of $200 for each person at dinnertime
Opening Hours
Today
11:30 - 16:30
18:00 - 22:30
Mon - Sun
11:30 - 16:30
18:00 - 22:30
Payment Methods
Visa Master AlipayHK Alipay Cash AE OpenRice Pay
Other Info
Online Reservation
Wi-Fi
Cake-cutting
VIP Room
Phone Reservation
Reward Dining Points
Delivery
10% Service Charge
Spot payment
Vegetarian
About Reward Scheme
Review (601)
Level4 2020-12-06
787 views
疫情第四波又爆發,堂食明天減至兩位,今晚四個同事最後衝刺,竟然揀咗食齋😬由素食名廚Ken Kowng主理(如果唔知佢係邊個,去個廁所,途經有好多佢嘅訪問新聞報章雜誌…貼喺牆身, 我都係去完廁所返嚟,喺啲同事面前扮曬嘢😜) ,悠-蔬食系列之一「雅悠-蔬食」,位於尖沙嘴勁旺之金馬倫道,可惜是上樓舖, 正所謂『捐窿捐罅搵,好嘢唔怕等』何況疫情冇太多人唔洗等。全店裝修清新簡潔,淡紫色配搭白色,十足少女風。一行四人叫了兩個六道菜的set dinner加三個中泰小菜, 中西日泰合璧,只欠肉食🤭❌🐮❌🐷❌🐔❌🦆❌🐟❌🐑前菜-《紫薯紅菜頭藜麥波波》(右)沙律菜墊底,紫薯蓉配上紅菜頭紅色,耀眼奪目,內裏還有些青蘋果碎薄片,吃起來非常清新, 上面加上苜蓿芽達至不同口感。👌🏼👌🏼👌🏼👌🏼前菜-《鹵水花菇毛豆百頁豆腐伴琥珀合桃》(左)個老年咁長嘅菜名已經講曬個前菜有啲乜嘢食 總算落足心機配搭均衡,不過個鹵水花菇就略嫌細且過火,咬起上來有點兒實。湯-《 白松露椰菜花雪燕忌廉濃湯》 (餐牌好細心定明有牛奶標誌)這麼多貴價食材,喝起來的而且確比一般忌廉湯濃且滑,但不太覺有雪燕,不過雪燕本身就冇乜味,整體質數可以媲美一些高級西餐廳忌廉湯 ,但如果再熱些會更好。😋😋😋😋另一款湯-《 姬松茸椰子黃耳竹笙雪蓮子燉湯》兩個湯我都有試過,個人就十分之喜歡這個燉湯,清甜足料。⭐⭐⭐⭐⭐手卷- 《蘆筍素香鬆苜蓿芽手捲》(左) 《香芒牛油果苜蓿芽手捲》(右) 我沒試到素肉鬆那一個,但另外一個吃上來會有啲驚喜,為日本手捲帶來另一番感覺,原來手捲不一定要有飯,(服務員上枱是還很細心, 提醒我們早點食, 因為紫菜會淋) ✅✅✅✅《 悠蔬食小食拼盤》 泰式如餅、泰式哈餅、酥炸素生蠔、素魷魚圈和腐皮炸雞槌。 十足泰式風味,哈餅和如餅,真係懷疑有沒有加了蝦肉和魚肉落去。🤭🤭《腐皮炸雞槌》『用埋雪條棍做雞骨,賣相雖然唔係好似,吃落又幾得意』《素馬拉盞炒通菜》佢個馬拉盞,仲要好味過真的馬拉盞醬, 通菜爽口惹味。雖然表面上只叫了一碟蔬菜,但其實全晚全部都係蔬菜,大家都搶住食唔停。👍🏼👍🏼👍🏼👍🏼👍🏼《 和風照燒汁素鰻魚手作薄餅》Set Dinner主菜-《 台式脆腸天貝猴菇燜淮山栗子煲 配珍珠糙米飯》 又一經典神菜完全食唔出是素, 栗子入味軟硬適中。😋😋😋😋😋尤其是塊假五花腩, 除了口感做唔到,顏色形態味道已經非常相近。Set Dinner主菜-《 沙爹金菇秀牛肉粉絲煲配羽衣甘藍菜飯》 粉絲煙韌入味沙爹味香惹味,加上我至愛東南亞肥仔芽菜,素牛肉又係難分難解,滿分之作,唯一要彈,上枱時煲仔並沒有大排檔的啫啫滾起感覺。👏🏼👏🏼👏🏼👏🏼👏🏼openrice相片有限量,最後決定放甜品沒放飲品,其實飲品都唔錯。甜品- 《班蘭椰汁千層糕 》 (右) 《宇治抹茶乳酪蛋糕》(左)當你以為佢個主菜和小菜炒得好出色,甜品只係行貨嘢,你又大錯特錯,食完之後,同行有個甜品控都話唔洗再去食甜品。😗😙😚😘PS. 以前素食大多是因為信仰問題,現在除了環保,對於個人健康亦非常重要,但平時食開大魚大肉嘅朋友, 如果食素只係食番以前啲齋麵筋,有時真係好難頂。如果你以為食素,會唔會好快肚餓,其實係唔會,(唔知係唔係驚唔飽,所以叫多咗餸,食完走嗰陣時,個個真係飽到嘔 😅)最重要如果有更多用心製作素食嘅餐廳廚師👨🏽‍🍳,就會吸引更多肉食者,嘗試喺一個禮拜搵一餐幫自己清清腸胃,又可幫地球🌏出一分力。不防帶一下屋企老人家試下新派齋舖。~~~~~~~~~~~~~~~~~~~~~~~食物賣相=(滿分20) 18食物味道=(滿分20) 18服務質素=(滿分20) 16裝修整潔=(滿分20) 17性價比率=(滿分10) 7回頭指數=(滿分10) 9總評分 =(滿分100) 85分 continue reading
Level4 2020-11-10
90 views
一入到嚟全間店舖都充滿紫色夢幻感覺..典雅..悠游..每逢初一十五食齋之選🥰由於餐牌款式太多..多重選擇困難症嘅我叫咗dinner set..乜都可以試下...dinner set 包括:兩款前菜,手卷一個,湯品一個、主食一個,甜品一個額外仲要多咗一個煮食同甜品🍮dinner set $238前菜:泰式香茅金柚沙律🥗&滷水花菇毛豆百頁豆腐泰式香茅金柚沙律🥗利用金柚汁做沙律合拍得黎有幾開胃..甜甜酸酸又健康😎滷水花菇毛豆百頁豆腐牛蒡爽口得黎健康價值又高. 啖啖豆腐啖啖滷水汁完美吸收曬😍手卷:蘆筍清香鬆苜蓿芽手卷外面層紫菜要即食先夠脆口..影多幾下相都已經忽略咗🙈食落有少少似豆苗香味湯:茶樹菇竹笙黃耳百合雪蓮子燉湯呢個湯真係必叫..一黎無味精..二黎唔油利..三黎足料燉湯..四黎夠曬清甜可口🙈全晚至愛必讚👍🏻👍🏻主食:牛油果🥑芋頭栗子🌰藜麥焗千層闊麵濃濃番茄醬覆蓋一層又一層千層麵,邪惡既芝士完全呈現完美拉絲狀態.. 內層夾上蘑菇牛油果薯仔🥔芋頭栗子🌰豐富多彩.. 食落多重口感濃郁又豐富既味道甜品:紫脆金迷+$30 少女風味甜品🍮上有鬆脆酥餅配雪糕🍦芋丸芋頭粒栗子亞奇籽配搭一流🙈完全係完美結束🔚由於有人均消費$200⋯所以另外加咗擔擔麵&焗蘋果酥皮盒擔擔麵$58呢個真係不得不推介望落去好似冇乜特別咁...食落去其實係另外一種豐富麻醬..風味🤫焗蘋果酥皮盒$58望落去好似玫瑰花🌹淋上花奶..切落去有著爽脆嘅聲音...識落甜甜酸酸的..呢個就唔多講啦..好食到形容唔到🙈都係自己嚟試下🙈🤫 continue reading
(The above review is the personal opinion of a user which does not represent OpenRice's point of view.)
Level4 2020-11-09
1355 views
為左減肥,近排都食得清淡d,星期日出街食lunch就揀左呢間素菜餐廳,見佢響OpenRice 都幾多好評,仲要係良心小店餐廳裝修以紫色+白色做主調,D隔板都係西洋風花紋Lunch set 一個價錢包埋前菜+湯+飲品,考慮到餐廳位於尖沙咀,價錢可以接受。我同男友各自點左唔同湯,>南瓜蘋果甘荀湯:以南瓜甘荀蓉配上少量細粒蘋果煮湯,比一般南瓜湯更鮮甜清新,好有新鮮蔬果既原味,細細粒蘋果煮到淋哂,口感似薯仔法包唔太脆,但點湯食都幾好味>椰子花生雪耳湯好足料,飲落有驚喜,湯好重椰香味,甜甜地,好潤喉,不過我就搵唔到花生,反而搵到兩舊木瓜呢次係我第一次食藜麥沙律,知道藜麥係比較貴+健康,細細兜味道都ok!>如香茄子煲有好多款菇+茄子+齋煮埋一齊,芡汁多,撈飯食好快就食哂,不過同魚香茄子煲黎比,少左鹹魚既咸香味,覺得落少少植物豬肉/植物牛肉咁煮,會再好味d>鮮茄芝士菠菜南瓜猴菇焗飯推薦必食,猴菇+芝士焗=有咬口既芝士大啡菇咁,芝士好拉絲,蕃茄、南瓜焗到溶哂落飯度,所以個飯係酸酸甜甜咁好開胃,不過菠菜係原條,覺得可以打成蓉/切碎佢,咁會方便食d鹹柑橘蜜(左):鹹柑橘鹹度適宜,岩岩好。蘆薈柚子蜜(右):有原粒蘆薈,甜甜地幾好飲。下次再黎食甜品 continue reading
(The above review is the personal opinion of a user which does not represent OpenRice's point of view.)
朋友生日,他是一位素食主義者,所以他帶我去了尖沙咀金馬倫道的雅.悠蔬食,食晚餐。這裏環境裝修得好優雅,餐廳以潔白的色調,感覺到很舒服清新,少女風的感覺。而餐廳的店員亦十分殷勤有禮。我們點了兩個晚餐,好豐富,有前菜,沙律,手捲,主食等。前菜是泰式香茅金柚鮮果沙律王,鮮美白靈菇刺身。味道清新,金有鮮果沙律酸酸甜甜味道開胃。蘆筍素香鬆苜宿芽手卷,香芒牛油果苜宿芽手卷。 蘆筍素香鬆苜宿手捲,苜宿芽口感脆脆,新鮮,味道非常清新,吃起上來,有索索聲,好味。我選了中湯, 猴頭菇竹笙黃耳無花果百合湯,想不到素食湯都可以這麼好味,非常好飲。主菜是:和風大啡菇蘆筍扁意粉配照燒素帶子和白松露蘆筍茄子紫薯焗千層麵。其中千層面非常好味,芝士配上白松露蘆筍好惹味,底層的紫薯有甜甜的番薯香甜味。甜品是千層蛋糕及紫脆金迷。紫脆金迷裏面有很多層次,上面有雪糕及酥餅,裏面有栗子粉丸等等,作為一餐完結非常圓滿。總結:雅.悠蔬食確實是一間不錯的新派素食館,之前的素菜館總給人一種老舊和油膩的感覺,但這新派素食菜館卻完全不同,令人煥然一新,食材注重非常新鮮,味道清新,讓人吃不厭的感覺。 continue reading
(The above review is the personal opinion of a user which does not represent OpenRice's point of view.)