中華小館

Open Now

Now Closed

今晚既主角就係大閘蟹，大閘蟹多膏多肉，好有份量，隻隻都新鮮熱辣蒸好，上枱就食得，唔駛等好耐就上枱，好有效率👍🏻大閘蟹真係爆膏，啲黃油漏晒出黎，好香好甘甜，點邪惡都要食盡佢呀！大閘蟹做得主角當然唔止咁少，其他大閘蟹做既菜式都係任食，好似蟹粉扒菜苗同蟹粉春卷，菜苗新鮮爽口，配上粉嫩既蟹粉簡直係最佳配搭，唔同口感🙌🏻另外蟹粉春卷更加出色，春卷炸得好脆，又唔會油淰淰食到成口油，一咬開啲蟹粉必晒出黎，另一種食大閘蟹既享受呀！任食之餘仲有食一次既鮑魚扣鵝掌，鮑魚絕對唔細隻🫰🏻炆得好入味，令到鮑魚更鮮，味更濃，鵝掌亦係超入味，又軟綿，腍到好似唔駛咬咁，好味！