名館 (Closed)

難得去到中環就梗係要食啲特色嘅菜式，中環酒吧大家聽得多，中式Fusion餐廳有聽過未？由於今次我哋嘅洗費唔算太多，所以都係重點食個有興趣打下卡影吓相嘅甜品，主食就食少少健康啲。金銀蒜蒸娃娃菜＄68啲菜啱啱好，本身個菜唔係最重點，最終點係個金銀蒜茸，整體味道都幾香，不過如果調味更加濃郁就更貼合香港人口味。蜂蜜柚子蝦球＄88原來食咸野都可以配搭甜嘅調味料，當中呢個蜂蜜柚子蝦球就係最佳嘅例子，本身蝦球外皮炸得香脆，再配蜂蜜柚子甜甜地，個味都幾有趣，甜味係重過鹹味，同埋中間嘅蝦應該都經過處理比較爽口冇蝦原味。麻雀十三么＄128最期待嘅麻雀終於出嚟喇，無論年輕人定係老人家都鍾意打麻雀，呢個甜品就「男女老少」都啱，中國人最講意頭，十三么係打牌食糊嘅象徵，仲要有隻「發」同埋人民幣和美金，全部都食得除咗嗰碟lol桂花糕嘅味道都幾好，甜甜地清新唔會因為要擺設而搞到個味道奇怪，味道雖然好食但係份量不大，主要都係搞噱頭，試一次打下卡威一次都OK，始終香港比較少有這類特色的甜品。