非凡小廚 (Closed)

聽聞土瓜灣有好多好野食，於是今日同老公去土瓜灣行下先！比我地搵到呢間小炒店😆👍🏻北京填鴨二食（銀芽炒粉絲）。$228一上枱已流緊口水啦👏🏻鴨胸皮鬆脆呈網狀，色澤紅潤，烤鴨皮脆肉嫩帶點脂肪，鴨肉甘香帶鴨皮嘅油潤，肉質肥而不膩，我就最鍾意呢種口感。放喺上饃饃皮上，再加青瓜、京葱配料，配甜麵醬同吃，食落完全唔覺油膩！👍🏻二食以銀芽炒鴨肉絲，夠曬鑊氣！份量都真係唔少呢😆👍🏻即燒脆皮燒腩仔。$88好好食呀！即燒果然唔同D腩仔皮脆到咔咔聲，肉質鬆化，係岩我心水，肥少肉多溫馨提示，7點後開始好多人，想唔洗等位，就早D黎啦食完呢餐，好滿足，我地兩個決定行返屋企有助消化🤣呢D天氣食飽飯行下都幾舒服