CHUTNEY

尋日去咗食呢間係中環嘅印度菜，一上到去環境好靚，金碧輝煌🤤再加上服務員好nice好詳細解釋每道菜，真係有啲喺皇宮一樣餐廳名chutney 係印度沾醬嘅意思，所以佢哋嘅沾醬都係signature 有多種唔同嘅沾醬可以order嚟點，一開頭佢就比左mint mango beetroot3款醬比我地點脆餅食，作為開胃菜，好特別🤤前菜我地食左一個印度傳統嘅小食 話以前係比皇帝食嘅 🤫用脆餅整成一個包咁 入面包住唔同嘅醬料 脆脆 同酸甜水果粒 口感豐富又開胃🤤前菜仲有個65種香料整成嘅炸雞 香氣四溢但雞又炸得外脆內軟 係必試菜式最後叫咗兩個main, 配牛油naan,naan口感唔會死實而係煙韌又香😆兩個main一個係蕃茄醬芝士。第一次食印度芝士，切到一舊舊咁配埋甜甜地嘅蕃茄醬，幾特別～另一個係curry fish, 魚用咗燒盲糟，肉質緊實好香魚味！總括嚟講，以地段環境食物嚟講，埋單都幾抵食🤍同埋好耐無喺香港食過咁decent嘅印度餐廳，推薦！