我哋叫咗個特上海鮮丼，一上枱真係哇咗出聲！成座山咁高嘅刺身鋪滿成個碗，完全睇唔到底下嘅飯～有三文魚、吞拿魚、帆立貝、牡丹蝦、三文魚子、海膽...仲有啲唔知咩魚但都好鮮甜！每款刺身都切得厚身，入口即化，鮮味爆棚！
特別要讚個海膽，一啲都唔腥，creamy到不得了；仲有啲三文魚子，咬落卜卜聲，成口都係海洋嘅鮮味！醋飯煮得啱啱好，酸度適中，同刺身超夾。另外跟咗麵豉湯同沙律，個湯都幾有誠意，唔係得死鹹，仲有啲海帶同豆腐～
以咁高質素同份量，絕對物有所值！而且上菜速度幾快，好適合中環打工一族。已經bookmark咗，下次一定要試埋佢個龍蝦丼！
4
5
