Video
Read full review
2023-04-24
1042 views
[ La Parrilla Steakhouse ]一直都好想品嘗唔同國家嘅菜式，今晚同朋友去到中環蘭桂坊附近呢間懷舊風扒房🍖🥩，主打各種阿根廷🇦🇷菜式。餐包🥯入座後店員會主動提供餐包，麵包暖笠笠，外脆內軟帶麥香味，沾上橄欖油🫒進食更滋味。小食🥟✿ Empanadas: "Carne" $75✿ Empanadas: Feta Cheese & Spinach $75Empanada（餡餅）🥟係一款麵團裡塞餡嘅傳統阿根廷🇦🇷小食。餡餅🥟經油炸後外皮香酥帶脆，"Carne"餡料有免治阿根廷🇦🇷牛肉🐮，配以洋蔥、橄欖調味，味道咸咸地幾特別；而”Feta Cheese & Spinach”嘅菠菜🥬保持到口感，唔會又淋又濕，散發濃烈芝士🧀味。嫌唔夠味可以點埋另上嘅新鮮洋蔥莎莎醬，以番茄🍅和辣椒🌶製成，酸酸辣辣更開胃。熟成牛肉🐮🥩✿ Hanger (400g) $448入到扒房門口見到自家熟成櫃，將來自阿根廷🇦🇷嘅草飼牛肉🐮🥩熟成最少7-14日。今次選擇hanger（封門柳），400克相當於14安士，足夠2人份量。上菜時好吸睛，大木盤中間有高溫鐵板🔥熱住牛肉外，兩旁分別放上6款傳統阿根廷🇦🇷醬料
一直都好想品嘗唔同國家嘅菜式，今晚同朋友去到中環蘭桂坊附近呢間懷舊風扒房🍖🥩，主打各種阿根廷🇦🇷菜式。
餐包🥯
入座後店員會主動提供餐包，麵包暖笠笠，外脆內軟帶麥香味，沾上橄欖油🫒進食更滋味。
小食🥟
✿ Empanadas: "Carne" $75
✿ Empanadas: Feta Cheese & Spinach $75
Empanada（餡餅）🥟係一款麵團裡塞餡嘅傳統阿根廷🇦🇷小食。
餡餅🥟經油炸後外皮香酥帶脆，"Carne"餡料有免治阿根廷🇦🇷牛肉🐮，配以洋蔥、橄欖調味，味道咸咸地幾特別；而”Feta Cheese & Spinach”嘅菠菜🥬保持到口感，唔會又淋又濕，散發濃烈芝士🧀味。
嫌唔夠味可以點埋另上嘅新鮮洋蔥莎莎醬，以番茄🍅和辣椒🌶製成，酸酸辣辣更開胃。
熟成牛肉🐮🥩
✿ Hanger (400g) $448
入到扒房門口見到自家熟成櫃，將來自阿根廷🇦🇷嘅草飼牛肉🐮🥩熟成最少7-14日。
今次選擇hanger（封門柳），400克相當於14安士，足夠2人份量。上菜時好吸睛，大木盤中間有高溫鐵板🔥熱住牛肉外，兩旁分別放上6款傳統阿根廷🇦🇷醬料，如阿根廷青醬、莎莎醬、芥末醬等。
阿根廷🇦🇷草飼牛肉🐮🥩較少肥膏，經熟成後嘅牛味更為濃郁。而半開放式廚房可以見到廚師利用猛火🔥處理牛肉，鎖住肉汁，就算牛肉好厚切都完全唔韌。
麵條 🍝
✿ Beef Ragu $208
呢款阿根廷式🇦🇷麵條🍝有啲似扁意粉，以紅酒醬汁、蕃茄、甘筍烹煮，再放入慢煮牛肉🐮🥩。牛肉炆得好軟嫩，牛肉份量超多！
甜品 🍮
✿ Churros $78
Churros係西班牙語系國家嘅傳統甜品，麵糰油炸後會係表面放肉桂糖粉。
餐廳將Churros炸得火候剛好，外層帶脆，內部柔軟，配上焦糖牛奶醬🍮🥛更滋味。
總結🫦
扒房採用紅磚牆、深色木系、仿木屋假天花等設計，配埋餐廳音樂氣氛好chill，仿佛去咗外國。阿根廷菜係香港比較少見，但口味都幾啱我哋，值得一試。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
La Parrilla Steakhouse
地址：中環雲咸街77號嘉兆商業大廈1樓
電話：2637 8555
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
