櫻花日本料理 (Closed)

中環區當然不乏美食，而要講到日本菜，就不得不提呢間櫻日本料理。而呢個鐵板燒套餐，有多款美食品嚐，絕對物有所值。先有刺身三點，賣相非常吸引，赤貝鮮味十足，入口時仲有爽脆口感，池魚魚身呈半透明白淨，而大蝦蝦膏非常多，感覺滿足!接著有原隻新鮮象拔蚌，連同秀珍茹等配料係鐵板紅燒抄，抄嘅時候仲加上酒同胡椒粉去抄，香味更盛!品嚐時象拔蚌香味十足，質感又夠晒彈牙!接著有脆炸金刁魚，火侯控制得好好，上枱時炸到金黃白脆，魚身嫩滑，再配上海膽醬，淡味魚身配上濃味醬汁，會係幾新奇嘅菜式。今晚嘅重頭戲，就係伊勢海老鐵板燒，份量相當大，係鐵板上拆肉再燒熟，龍蝦球件件都非常吸引，另外再加上秘制香草牛油汁，香味滲入龍蝦肉之中，更添美味!最後當然係甜品時間，靜岡蜜瓜非常清甜，而綠茶奶凍，入口軟滑無雜質，加上綠茶味同甜味適中，係個相當出色嘅甜品。