環境靚仲有d打咭位，
不過記住要喺士丹頓街入口吖！
除左基本既latte 都有唔少特色咖啡～
☕️豆花咖啡
呢個三重奏既配搭好正
一杯係豆漿豆花，另上espresso
豆花好幼滑充滿豆香，加埋espresso 味道更有層次，好有滋潤感！
☕️橘香冰搖咖啡
口感輕盈，帶橙香開胃清爽，冰凍得黎又唔會沖淡咖啡既原豆味，炎炎夏日啱哂！
🍝海鮮煙肉意粉
輕食之選，麵條幼細挺彈，食起煙韌幾吸汁。
蜆肉同藍青口嫩滑清爽，熱煮過後既香濃海鮮汁，加埋煙肉氣味，輕輕落入意粉之中，咸香感十足。
🥞Tiramisu soufflé
梳乎厘質感鬆軟，蛋味香濃
伴上幼滑cream 加手指餅
三大件勁滿足！
🍞比利時朱古力香蕉法式吐司
厚麵包金黃漲卜卜，切落去夠軟身兼回彈。
上面既果仁朱古力、融化左既朱古力磚，可可味濃滑細緻～
雪糕球溶化係吐司面，咬落去冷熱交融，加埋朱古力脆脆碎粒，勁好味！
