CHUTNEY

周末同契女去咗中環大館附近嘅一間復古裝修嘅印度餐廳試新菜。金黃色宮殿feel嘅裝潢真係幾吸睛，入面仲散發住陣陣香料味。成餐飯滿載而歸，真係有啲嘢要分享。Signature Butter Chicken 先講聲名遠播嘅奶油咖喱雞，雞肉入口好嫩，配埋好creamy嘅咖喱醬汁，好smooth。奶味同香料味係啱啱好，食完不知不覺已經清咗碟。Garlic Naan現烤嘅蒜蓉naan，啖啖都係蒜香味。燒得夠香脆，蘸埋奶油咖喱雞嘅醬汁，真係零死角嘅滿分組合。Raj Kachori呢個小食仲幾有趣，外型似個金黃波波，切開後有多款餡料同醬料喺入面。酸酸甜甜之餘仲夾雜微辣，口感好豐富，食完仲有啲驚喜感。Tandoori Octopus呢道係我哋小發現，燒烤八爪魚火候掌握得啱啱好，入口彈牙之餘唔會韌，仲帶少少炭燒香。Lamb Shank Nalli Nihari慢煮羊膝咖喱，肉質焗到夠腍，一咬即散。咖喱香料味重，但又唔會蓋過羊嘅本味，係用心煮出嚟嘅comfort food。契女點咗Apple Freshener，青蘋果味好清新。至於我就試咗Kingfisher印度啤酒，啤酒偏淡，有少少清爽嘅口感，幾易入口。