BKK

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯去咗依間喺PMQ新開嘅泰國菜環境真係好正，好chill好有特色一入門口有一個大鐘，再加上有啲位置係做咗半開放式，燈光有少少懷舊，又貼咗啲海報喺牆上，氣氛真係好正大蝦柚子沙律 飯前我都鍾意食返個沙律，依款沙律有我最鍾意嘅柚子和大蝦，配搭羅望子和梅糖醬，甜甜地又清新。蟹肉奄列 平時食開嘅奄列都係比較扁身，今次依款蟹肉奄列就做到立體形狀。切開可以見到滿滿又一絲一絲嘅蟹肉，味道夠晒鮮甜呀。班蘭葉香茅蒸完條紅鯛魚 泰國菜通常都係香煎或者炭燒，今次用蒸煮嘅方法夠晒新鮮感。斑斕同埋香茅嘅味道滲哂入魚肉裡面，夠晒嫩滑又多汁。芒果椰汁糯米飯 驚喜嘅係芒果飯仲係溫熱，充滿椰香又煙煙韌韌。