沙田新強記燒鵝海鮮酒家

Open Now

Now Closed

同屋企人喺大圍就係要食新強記，雖然係平日但係都幾多人架。見到餐牌有好多海鮮孖寶，仲要有叉燒送，所以揀咗一個海鮮孖寶A，有翡翠炒斑球，蒜蓉蒸頭腩。翡翠炒斑球，炒得好香，魚塊唔會散，另外佢亦都炒得好有鑊氣，加埋有荷蘭豆，加埋一齊食不錯。另外仲有蒜蓉蒸頭腩，魚塊好滑，另外下邊仲有粉絲墊住，再加上撈白飯超正，我會比較推薦呢個。另外蜜汁叉燒皇，雖然唔係好多塊，但係一碟有肥有瘦，啱晒一家人唔同口味。另外仲叫咗招牌雞粥，只係叫咗例牌已經好大碗，我哋四個人食都爭啲食唔晒，入邊好多雞，一放低已經聞到好香，大家食完一碗都想再食多碗。金牌燒乳鴿個皮燒得好香好脆，仲有唔少肉，仲可以叫佢切開上，非常方便幾個人食。最後仲叫咗椒鹽鮮尤，係新鮮即刻整，所以食落熱辣辣，不過如果下次個皮冇咁厚會更加好。最後仲有糖水送！每次同屋企人諗唔到都會食新強記，因為多選擇，下次都會再嚟。