佢就提議話不如食鴻星
都好喎，一路以來去鴻星都淨係試過飲茶
我地就叫咗個「晚市套餐A $1288」
兩位用，已包茶介、小食、加一
「百味豆腐」
外脆內軟，咬開係熱辣辣
豆腐非常嫩滑，外皮十分酥脆
「拍蒜青瓜」
青瓜清甜爽脆，加上以香蒜混合的香醋汁
酸酸辣辣，係一道非常開胃的涼菜
「海老汁龍蝦」
用海老特調的海老汁質地濃稠，味道濃郁
龍蝦蝦肉肉質爽口彈牙
整個口腔都係滿滿嘅鮮蝦味
如果你平時都係喜歡吃濃蝦湯拉麵/蝦味食品
咁呢個海老汁龍蝦就一定唔可以錯過
「腐乳菌翡翠炒帶子」
大大粒帶子完全沒有混水摸魚，好鮮味
旁邊仲有荷蘭豆，木耳同埋菌類
食起上嚟口感豐富
「清蒸海星班」
酒樓質素的海星班總唔會有錯
雖然唔係平時一圍嗰啲咁大條
但以二人份量來講，size可以接受
又香又滑，兼且啖啖肉
「炸子雞半隻」
淨係睇賣相都超吸引！
竟然有咁大隻雞髀係度！
油脂分布平均，雞皮超脆，雞肉嫩滑
「羊肚菌杞子浸菜苗」
用上湯浸嘅蔬菜比起炒更加健康
再加上羊肚菌同埋杞子，好鮮甜
連湯我哋都飲埋哈哈！
「原個蛋黃壽桃包」
唔知大家嚟鴻星有冇食過壽桃包呢
原來係⋯⋯好好食㗎！
夠晒大個不特止，入面蓮蓉餡又香又滑
當然唔少得大大個蛋黃
(因為太好食，我地忍唔住一人叫多一個)
「精美甜品」
最後來一碗紅豆沙畫上完美嘅句號
總括而言，
原來鴻星食晚飯都十分唔錯
下次同家人聚餐，必定再次光臨！
