Video
Read full review
2019-01-13
4179 views
記得中學果時成日都會同同學一齊去吉壽食放題，近排又想揾返黎食，於是星期日又約埋朋友食LUNCH。吉壽位處於地鐵站附近，好容易揾到，地鐵站E1出口右手面逍就係啦！餐廳環境同一般放題店相似，但環境望落比其他更闊，唔會同隔離枱黏到實一實，道路亦好大。見到吉壽比較多中老年人食，係其他放題店比較少見，應該suitable for family gathering!!!!黎到嘅時候枱面都放左基本嘅碗筷、醬油、wasabi同埋有一整包tissue。食物種類選擇好多，刺身、壽司、炸物、燒物、鍋物，花多眼亂。吉壽仲係用緊傳統嘅紙筆落單。自助熟食區有小丸子、萄tart、炸物同埋有salad bar，啱返d想食得健康d嘅朋友，多左一個健康嘅選擇。個小丸子都ok，外脆內軟。自助飲品櫃亦有好多飲品揀，汽水、茶、果汁，連清酒都有，近期天氣涷，吉壽亦好貼心設有暧飲櫃。上菜速度好快，落單後5分鐘到。刺身全部都好新鮮，爽口彈牙，全部都厚切，啖啖魚肉，正！好有魚油香！比較推介係油甘魚同帶子，食落好鮮美！仲有上唔會漏單，寫幾多黎幾多。壽司方面，比較推介白松露油甘魚，白松露個味同油甘魚個味好夾，食完完白松露個味會係口到留好耐
餐廳環境同一般放題店相似，但環境望落比其他更闊，唔會同隔離枱黏到實一實，道路亦好大。見到吉壽比較多中老年人食，係其他放題店比較少見，應該suitable for family gathering!!!!黎到嘅時候枱面都放左基本嘅碗筷、醬油、wasabi同埋有一整包tissue。
食物種類選擇好多，刺身、壽司、炸物、燒物、鍋物，花多眼亂。吉壽仲係用緊傳統嘅紙筆落單。
自助熟食區有小丸子、萄tart、炸物同埋有salad bar，啱返d想食得健康d嘅朋友，多左一個健康嘅選擇。個小丸子都ok，外脆內軟。
自助飲品櫃亦有好多飲品揀，汽水、茶、果汁，連清酒都有，近期天氣涷，吉壽亦好貼心設有暧飲櫃。
上菜速度好快，落單後5分鐘到。刺身全部都好新鮮，爽口彈牙，全部都厚切，啖啖魚肉，正！好有魚油香！比較推介係油甘魚同帶子，食落好鮮美！仲有上唔會漏單，寫幾多黎幾多。
壽司方面，比較推介白松露油甘魚，白松露個味同油甘魚個味好夾，食完完白松露個味會係口到留好耐~~
炸物方面，類類個皮都好脆！炸鮮奶平時少食到，奶味係好濃郁！比較推介炸芋波，芋頭味好重，唔會死甜，入面熱辣辣，食果時小心辣口。
燒物方面，鰻魚燒完仍然好多汁，好香油脂味！個帶子我就厭有D太多醬。
到第二輪叫刺身，仍然都係寫幾多黎幾多，唔會拖你，值得一讚！
甜品亦有好多選揀，普通嘅雪糕雪條，自家製嘅BROWNIE、米糠布甸，乳酪，連豆花都有！
我地今次就係星期日LUNCH時間食，價錢十分相宜，加埋一都只係$196，$200有找！順便一提，侍應服務質素非常好，好有禮貌，途中我唔小心跌左對筷子落地下，侍應即刻拎過對比我，臨LAST ORDER亦會問有無野未黎。
Post
