Video
Read full review
2024-01-19
114 views
搵火鍋店嘅時候見到呢間【香香宮煮】覺得好特別... 見食評都好好... 即刻約埋老友一齊去烚下烚下!🤪一入門口已經畀佢嘅中國宮廷風裝修、擺設吸引住... 我老友仲忍唔住即時坐响龍椅影相打卡!🤭Scan完QR code... 入到點菜版面... 發現呢間火鍋店都好有創意... 啲火鍋食材名都充滿玩味!😆湯底我哋揀咗滋補養顏嘅〈雍穆公主•花膠雞湯鍋】(半隻)... 雞湯底金黃香濃... 未正式烚下烚下之前我同老友每人先飲半碗... 超掂... 味道非常濃郁... 而且入面嘅花膠都幾多下... 仲要係大大塊、厚身嘅㖭... 唔係一般嘅低價貨! 呢個雞湯係有半隻雞... 另碟上... 食之前再淥一淥... 勁嫩滑!鍾意食牛嘅朋友... 推介大家order 〈花花公主牛魔王拼盤〉... 因為得2個人... 我地要咗個細嘅... 但係啲份量真係好足!🤩 呢個拼盤有頂級安格斯牛肉、手切本地牛肉、新鮮牛展、頂級雪花肥牛、牛黃喉、牛舌花、牛肉粒!全部都好高質... 特別鍾意安格斯牛肉、雪花肥牛... 非常嫩滑、肉質鮮美... 而牛黃喉食落夠爽脆!👍最有驚喜嘅係〈脆炸黑松露午餐肉〉... 上枱嘅時候已經
一入門口已經畀佢嘅中國宮廷風裝修、擺設吸引住... 我老友仲忍唔住即時坐响龍椅影相打卡!🤭
Scan完QR code... 入到點菜版面... 發現呢間火鍋店都好有創意... 啲火鍋食材名都充滿玩味!😆
湯底我哋揀咗滋補養顏嘅〈雍穆公主•花膠雞湯鍋】(半隻)... 雞湯底金黃香濃... 未正式烚下烚下之前我同老友每人先飲半碗... 超掂... 味道非常濃郁... 而且入面嘅花膠都幾多下... 仲要係大大塊、厚身嘅㖭... 唔係一般嘅低價貨! 呢個雞湯係有半隻雞... 另碟上... 食之前再淥一淥... 勁嫩滑!
鍾意食牛嘅朋友... 推介大家order 〈花花公主牛魔王拼盤〉... 因為得2個人... 我地要咗個細嘅... 但係啲份量真係好足!🤩
呢個拼盤有頂級安格斯牛肉、手切本地牛肉、新鮮牛展、頂級雪花肥牛、牛黃喉、牛舌花、牛肉粒!
全部都好高質... 特別鍾意安格斯牛肉、雪花肥牛... 非常嫩滑、肉質鮮美... 而牛黃喉食落夠爽脆!👍
最有驚喜嘅係〈脆炸黑松露午餐肉〉... 上枱嘅時候已經炸好一條條... 就咁食又得... 淥一陣先食又得... 不過我prefer就咁食... 特別香脆... 真係會唔覺意一條接一條咁食!😜
特別介紹一下〈伊比利亞橡果豬〉... 伊比利亞豬係食橡果大嘅... 而且自由放牧... 肉質特別鮮嫩... 油脂紋理好靚!
〈手打牛丸〉比起一般雪藏嘅牛丸質素高好多... 一食落口已經feel到特別彈牙... 肉味四溢!
平時打邊爐必點響鈴... 今次我地揀咗〈香香宮煮響鈴拼盤〉... 因為呢個拼盤除咗傳統嘅響鈴... 仲有鹹蛋黃響鈴... Order個拼盤就一次過滿足曬兩個慾望!😁 加咗鹹蛋黃嘅響鈴非常惹味... 不妨一試!
我哋叫咗一jar〈自家製足料竹蔗茅根〉... 清甜解膩... 生津潤喉... 食火鍋嘅時候飲就最啱喇!
講返呢度嘅環境... 有卡位、有廂房... 座位都算闊落! 服務都唔錯... 店員有禮貌之餘仲時不時幫手添湯!👍 整體上感覺幾好... 會再幫襯!
Post
