海雲天

Open Now

Now Closed

在KKday 購買了午市點心放題，和同事一行四人中午12:45到海雲天等候入座。等候嘅人也很多，用了大約5分鐘時間便可入座。入座後，食客可以掃描二維碼手機落單，清晰簡單。餐廳另外附送每人一份炸蝦多士，鮑魚灌湯餃和燒鵝米線。炸蝦多士好新鮮，夠熱脆口又唔會太硬。鮑魚灌湯餃好美味，有原隻小鮑魚。由於燒鵝米線比較普通，所以沒有照相。黑金流沙包好好味，流沙到滿分，甜味適中，包口感軟熟。素菌餃，鮮蝦翠肉瓜餃都好值得推介，包皮比較薄， 餡多。叉燒包都做得唔錯，唔會太溜。蝦餃一睇個貌相就好靚啦，我哋叫咗12隻蝦餃，手工靚，褶紋多，入邊大大粒蝦，爽口彈牙。燒賣都好足料，有冬菇豬肉蟹子！滷水雞腳：雞腳肉多，醬料調教鹹味適中，略嫌溫度不夠熱。KK地價錢158平日12:45時段， 加一茶芥$40， 一共200元左右。知飲茶你計$200一位係比較貴，不過體驗一下都不妨，始終質素有保證。