神戶屋日韓放題

Open Now

Now Closed

又食放題啦，今次決定平平地食d價錢親民嘅放題。神戶屋就係不二之選啦，中午時段黎食，199+1，仲可以任食四個鐘添！扺啊！各位朋友更可以主攻以下推薦嘅食物！因為係中午時段，所以唔洗等位！侍應仲好快手咁上左d前菜比我地，有螺肉，八爪魚同中華沙律！填下胃先！刺身上左好大碟，份量十足。最最推薦嘅就係蝦刺身！無論係甜蝦，天使蝦都好食好鮮甜爽口。 天使蝦仲好厚肉，唔錯！三文魚都好厚身同算新鮮！不過蟹棒同蟹鉗就一般般。之後就到壽司，黑松露系列嘅壽司一直係我最愛。今次嘅黑松露三文魚同黑松露帶子壽司都好食。尤其帶子大大粒仲好鮮甜！今次除左叫左好多魚生之外，都試左好多熟食！照燒醬雞串好食！雞肉嫩滑而且醬汁味道甜度都剛好。人參雞湯都有驚喜，雖然雞味唔重，但係就重蔘味，湯入面仲有d蔘鬚，而且唔油膩。最好食嘅就係燒菠蘿！今次嘅燒菠蘿又甜又多汁，比起貴價嘅放題更好食！今次仲試左唔少韓式料理, 但個人覺得唔太韓式同正宗。所以中意食日本料理嘅朋友都係食上面推薦嘅食物啦！仲有唔少雪糕。