Video
Read full review
2012-10-25
43 views
下午四五點唔知食咩好，記得希慎有間拉麵就上去試下，入到去叫咗個蔥辣味噌，一個橄欖油拌麵加烤豬腩，叫完先醒起不如上開飯睇下食評，一睇就心感不妙，完來係以前間mist。之前食過超唔抵食，覺得只係食環境，所以冇再幫襯，後來知道佢執咗我都冇覺得出奇，原來今日食嘅rasupermen就係mist續集。我盡量放下預設立場去重新嘗試呢間全新嘅rasupermen, 最後結果都係不愉快。先講食物，橄欖油伴麵係唔錯嘅，裡面嘅烤豬腩肥瘦適中，有豬肉香味，加埋兩小樽醋同辣油，賣相味道都幾吸引。蔥辣味噌比起以前mist，賣相的確有進步，但湯底冇味道，非常普通，麵裡面只係有少少叉燒，仲碎濕濕...唉....唔掂。食物款色又唔多，一碗麵$98咩都冇，所有配料都要另外加錢，好唔抵食。講環境，以前mist的確幾grand, 而家rasupermen就差好遠，地方細仲要望倒個唔靚嘅廚房，不過環境尚算企理。最令我不滿嘅係，我睇menu寫住綠茶要$10杯，我完全冇意慾要飲，只叫咗兩個麵，完全冇提過綠茶呢兩個字，落完order waitress 問我係咪要綠茶，我話咗唔洗，根住佢攞兩個杯，倒咗兩杯茶比我哋，就好似你去任何地方
我盡量放下預設立場去重新嘗試呢間全新嘅rasupermen, 最後結果都係不愉快。
先講食物，橄欖油伴麵係唔錯嘅，裡面嘅烤豬腩肥瘦適中，有豬肉香味，加埋兩小樽醋同辣油，賣相味道都幾吸引。蔥辣味噌比起以前mist，賣相的確有進步，但湯底冇味道，非常普通，麵裡面只係有少少叉燒，仲碎濕濕...唉....唔掂。食物款色又唔多，一碗麵$98咩都冇，所有配料都要另外加錢，好唔抵食。
講環境，以前mist的確幾grand, 而家rasupermen就差好遠，地方細仲要望倒個唔靚嘅廚房，不過環境尚算企理。
最令我不滿嘅係，我睇menu寫住綠茶要$10杯，我完全冇意慾要飲，只叫咗兩個麵，完全冇提過綠茶呢兩個字，落完order waitress 問我係咪要綠茶，我話咗唔洗，根住佢攞兩個杯，倒咗兩杯茶比我哋，就好似你去任何地方食嘢，一坐低點都會比兩杯茶你，通常你係會用嚟洗筷子。誰知到食完埋單一睇，呢兩杯就係menu裡面價值$10嘅綠茶，我覺得中伏囉，不過唔同佢拗啦，反正咁嘅質數，咁嘅手法，好快同之前間mist一樣。
Post
