Video
Read full review
2025-08-24
99 views
難得有日本朋友到香港，早幾個月前因為工作關係未能見面，所以今次特意挑選連我都未去過嘅「獅房菜」，位於帝京酒店3樓。食物方面係有質素，由廚師發辦共九道菜式，感覺好似港版嘅omakase。頭盤花蟹茶碗蒸+普洱海參凍+鬈髦豬叉燒，個花蟹茶碗蒸嘅蟹肉夠多，味夠濃，反而叉燒感覺只係普通嘢，同公司大家樂感覺差唔多；第二樣係青花椒·龍蝦球·炒牛乳，呢個可以話有驚喜，將呢三樣嘢融合到一個菜式，我真係想知佢個食譜係點，味道上係冇違和感，反而有種好清爽嘅感覺；第三樣係蘭州蜜瓜·瑤柱·響螺湯，呢個有啲似我曾經煲過嘅爵士湯，但我當時個蜜瓜味冇佢咁出，佢個甜味係有啲誇張，呢個反而係我唔太喜歡嘅地方；第四樣係古越龍山·蔥香·鮑魚，用古越龍山調配出嚟個醬汁好出色，帶出佢酒嘅香味，鮑魚唔係果啲罐頭鮑，真係慢煮出嚟，軟硬度係剛剛好，難怪要比刀叉我切，向來冇table manner 嘅我都唔好意思將隻鮑魚一嘢隊入口；第五樣係好可愛、亦好可憐嘅菜式，韓國泡菜·黑毛和牛酥。冇諗過出嚟真係一隻牛，要用專用嘅鎚敲開佢，入面用荷葉包住黑毛和牛，感覺好新鮮，而且味道非常唔錯，牛肉完全冇比泡菜個味道蓋過咗。食完比左杯酸梅啫喱清下味蕾，
難得有日本朋友到香港，早幾個月前因為工作關係未能見面，所以今次特意挑選連我都未去過嘅「獅房菜」，位於帝京酒店3樓。食物方面係有質素，由廚師發辦共九道菜式，感覺好似港版嘅omakase。
花蟹茶碗蒸+普洱海參凍+鬈髦豬叉燒
0 views
0 likes
0 comments
頭盤花蟹茶碗蒸+普洱海參凍+鬈髦豬叉燒，個花蟹茶碗蒸嘅蟹肉夠多，味夠濃，反而叉燒感覺只係普通嘢，同公司大家樂感覺差唔多；
青花椒·龍蝦球·炒牛乳
0 views
0 likes
0 comments
第二樣係青花椒·龍蝦球·炒牛乳，呢個可以話有驚喜，將呢三樣嘢融合到一個菜式，我真係想知佢個食譜係點，味道上係冇違和感，反而有種好清爽嘅感覺；
蘭州蜜瓜·瑤柱·響螺湯
0 views
0 likes
0 comments
第三樣係蘭州蜜瓜·瑤柱·響螺湯，呢個有啲似我曾經煲過嘅爵士湯，但我當時個蜜瓜味冇佢咁出，佢個甜味係有啲誇張，呢個反而係我唔太喜歡嘅地方；
古越龍山·蔥香·鮑魚
0 views
0 likes
0 comments
第四樣係古越龍山·蔥香·鮑魚，用古越龍山調配出嚟個醬汁好出色，帶出佢酒嘅香味，鮑魚唔係果啲罐頭鮑，真係慢煮出嚟，軟硬度係剛剛好，難怪要比刀叉我切，向來冇table manner 嘅我都唔好意思將隻鮑魚一嘢隊入口；
韓國泡菜·黑毛和牛酥
0 views
0 likes
0 comments
第五樣係好可愛、亦好可憐嘅菜式，韓國泡菜·黑毛和牛酥。冇諗過出嚟真係一隻牛，要用專用嘅鎚敲開佢，入面用荷葉包住黑毛和牛，感覺好新鮮，而且味道非常唔錯，牛肉完全冇比泡菜個味道蓋過咗。食完比左杯酸梅啫喱清下味蕾，但係呢個係唯一可以用極度難食嚟形容嘅嘢；
鮮姬松茸·花膠·黃湯
0 views
0 likes
0 comments
第六樣係鮮姬松茸·花膠·黃湯，一個我覺得稍為普通嘅菜式，佢個黃湯嘅味道係唔錯，但好多酒樓都有類似味道嘅湯，呢一味算係最普通嘅一道菜式；
金腿燕窩·野生竹笙·菜苗
0 views
0 likes
0 comments
第七樣係金退燕窩·野生竹笙·菜苗，呢個歸「養生」嘅菜式，我一度懷疑佢個燕窩係假，好少會有咁多，加上佢有啲類似紅燒汁果種味道，味道唔會太淡。加上面頭一層金泊，成件事高級咗好多；
第八樣係澄海滷鵝·淮山麵，聽落好普通嘅菜式，但味道係唔錯，佢個鵝片係滷得好入味，肉質亦夠淋同滑，唯一美中不足係細碗咗啲，因為家下我肥咗大食咗好多；
鴛鴦茶·奶凍
0 views
0 likes
0 comments
終於到第九樣嘅甜品，鴛鴦茶·奶凍，我一開始我係唔知隻杯係食得，我淨係食入面啲奶凍，因為佢個味係鴛鴦果種味，又唔太甜，係朋友話個杯係朱古力嚟，我先恍然大悟，但可惜佢個朱古力杯對我嚟講係太甜，我食咗一半就放棄咗。
鴛鴦茶·奶凍
0 views
0 likes
0 comments
總括嚟講，有喜慶、聚會、招待外地親友的話，呢間係值得一試，因為下一次又唔知會係咩菜式。一餐入面有咁多款式，夠體面，加上酒店嘅質素，700幾蚊位，呢個價我覺得係值。
Post
