蔦 (Closed)

我自己幾中意食拉麵，知道呢間係世界第一碗米芝蓮拉麵，一定要黎一試真假，全店係用雞去熬製湯底而唔係豬骨，會有咩唔同？餐廳環境餐廳不大不小，少不了有望住師傅既BAR台，不過師傅們都係香港人，未見有日本師傅，同我去開既拉麵店有啲唔一樣。食物選擇主打4個系列，醬油、味噌、鹽味、照燒雞(原味/辛)，當然亦有小食日式煎餃。呢到醬油係皇牌，而呢到主打雞湯，當然照燒雞系列都係必食系列，今日就試呢2款。一個「照燒雞味玉拉麵」，一個「醬油味玉拉麵」。照燒雞味玉拉麵 $145(大)大係140g麵，標準則100g麵。有四片照燒雞、味玉蛋、沙律菜、粟米、磨茹、洋蔥。店員介紹照燒雞系列雞味會更濃郁，一呷湯底果真味道濃厚，少少稠身但又唔會好“杰”，有啲似飲花膠雞湯咁，麵係幼身軟硬度適中，而照燒雞食落有少許酒香，肉質正常，味玉蛋熟左少少。確係一碗幾特別同埋有心整既拉麵醬油味玉拉麵 $133(大)有叉燒一片、味玉蛋、荀乾、日本大蒽、松露醬。醬油味唔太突岀，相對上都係雞湯鮮味岀且清甜，完全唔覺油膩，比起照燒雞系列會稀同清淡啲，加左松露醬令每一啖湯都多左股黑松露香，不過叉燒失色啲，唔夠嫩滑。需要加一，每人約$150整體我只