百味鮮辣蟹專門店 (Closed)

咁多款菜式入面，始終最鍾意都係港式小菜，夠鮮味，有鑊氣，真係百食不厭，又有家的感覺。見雜誌介紹係西環新開左間辣蟹專門店，好似幾正，就專程去試下。餐廳以深木色色調為主，令人感覺舒適。Menu有多種炒蟹食法，全部都好吸引，樣樣都想試。晚飯時間好多人，真係要book位。芥香雲耳仔($38)，雲耳酸味味，好醒胃，再加少少wasabi味能增加味道的層次，感覺很refreshing，又唔會好嗆。蒜香凍螺($68)，螺肉相當入味和爽口，蒜味好香，仲有蒜粒粒係入面，個汁甜甜地，蒜味做得恰到好處，沒有蓋過螺肉的味道。普洱茶好香，味道不錯。($5/茶位) 猴頭菇燉雞湯($98鍋)湯料都幾足，有雞腿、雞腳、豬肉、猴頭菇，濃郁的雞湯味道，又唔會好鹹，冬天飲好暖胃。麵醬滑雞煲($98)雞味濃郁，香噴噴，肉質嫩滑，醬汁很滋味，連配料洋蔥和芹菜都咁好食。辣味年糕炒蟹($380)炒蟹好大隻，肉質不錯，都幾多蟹肉，而且很新鮮，食得津津有味。仲有年糕、洋蔥、芹菜、辣椒、芫荽一齊炒，微辣得黎又好惹味。牛肉炒菜芯($88)都要讚下，牛肉炒得夠火喉，菜芯夠新鮮爽口，有冬菇絲炒，好美味，想再食多碟。