麻浦韓國料理 (Closed)

尖沙咀嘅韓燒店五花八門、有時真係唔知道揀邊間好。今次為咗方便返工嘅地點所以就揀咗喺亞士厘道既韓燒店。因為提早咗一日book枱所以就唔需要等位啦。店舖裝修都好新淨、據說係上年11月先開既。店員有本地人同埋韓國人，都幾殷勤。坐低時先點左佢地出名即芝士豬肋骨。芝士溶左後店員幫你將芝士圈在豬肋骨上，都幾特別。五個人好快就KO左，跟住就開始叫肉燒啦，我地朋友全部鍾意原汁原味，所以點既肉全部係未醃既，分別叫左五花腩、牛肋骨肉、護心肉、牛舌。全部肉都好新鮮，用生菜包住，再點少少面醬，正呀！食完2輪肉，再叫豆腐湯，熱辣辣在加碗白飯感覺一流！OPPA店員最後送上一杯冰凍的酸梅茶、將啲熱氣沖走。大家全程一路食一路傾計，最正係無人催交枱！我地會再幫襯😁