四季‧悅 日本餐廳 (遠東金融中心) (Under Renovation)

今日男朋友媽媽生日，加上有節所以就專登去咗金鐘食放題，先知道原來原價一位要四百幾蚊，我諗如果唔係有折扣都唔會專登嚟食嘢食種類來講比一般嘅放題算係少一啲，但應有嘅都會有齊，意思即係花款唔算多唔會話有乜嘢係未見過或者平時放題係搵唔到刺身不過不失所以冇乜點影相，但壽司來講質素確實唔錯，所有都係新鮮即整紫菜好脆，海膽賣相雖然一般但係味道都好甜，三文魚子大大粒份量都唔算少！ 帶子好薄麻麻地。值得一提嘅係牛肉薄燒，唔好睇佢賣相唔吸引，佢肥牛入邊包住燒香左嘅蒜蔥等等，所以食落去好香口好好食，值得一推上菜速度叫幾快，員工嘅數量都足夠，見其他人評語話上菜好慢份量又小，但我今日又唔覺