神座日本料理 (Changed Hand) New Restaurant

今日好肚餓，叫咗一個鰻魚定食。等定食嚟到嘅時間都比較久，大概15分鐘左右。前菜有中華沙律，好開胃呀！鰻魚好大塊，好厚，好多汁。一向食鰻魚都驚擔心有骨，但係呢一間嘅鰻魚係冇骨㗎！超好味啊。食完碗飯，仲有一碗附送嘅味噌湯湯，真係好貼心啊！入面有一塊好軟嘅豆腐，簡直係一流。食日本菜，最鍾意飲日本茶，好有日本風味。可惜連加一，埋單要超過$100，有啲貴。 不過，喺港島區，堅尼地城食晚飯，物價都係比較貴㗎。