Video
Read full review
2018-05-07
85 views
行完朗豪坊，見肚仔有Ｄ餓，就同朋友拿拿林搵野食。旺角出名多野食，行到攰，又唔想走咁遠，唔打唔撞就搵到呢間♥Dream Cafe♥係正朗豪坊隔黎，一個唔係好起眼既大廈朗晴坊，上面其實都有好多野食。由於好早就食晚飯既關係，所以唔洗等位，入到去都算闊落，坐得都幾舒服。入面仲有Ｄ打卡位，隨時同朋友影返幾張Share下！睇到個餐牌，見到有二人套餐，Ｄ野食都幾特別，睇圖都覺得幾吸引！係唔想諗既情況下就食二人餐就最岩啦！二人套餐，２個主菜，奉送是日餐湯及沙拉，以及包埋$28飲品２杯，都算唔錯。最後我地２個人就叫左：黑松露龍蝦意大利飯＋炭燒美國穀飼羊扒配蜜糖紫蘇汁＋是日餐湯（南瓜湯）＋沙拉薄荷朱古力咖啡＋榛子朱古力♥南瓜湯♥ 比我想像中好飲，味道都幾濃，入面仲有Ｄ南瓜熔，比起出面既南瓜湯好味！♥沙拉♥ 就一般般啦，無咩特別，個醋都幾開胃。♥黑松露龍蝦意大利飯♥ 非常之好食！唔好睇佢白色一碟唔知乜野，佢既味道係會令你下次都想再黎食呢一碟飯！黑松露味好強，個汁好Creamy，個味道真係好夾，食完一啖好想再食一啖，唔係我浮誇。龍蝦肉就反而唔係咁出，而且唔多，機乎唔係幾食到（都有，不過好少同好細粒）。但係佢個
由於好早就食晚飯既關係，所以唔洗等位，入到去都算闊落，
坐得都幾舒服。
入面仲有Ｄ打卡位，隨時同朋友影返幾張Share下！
睇到個餐牌，見到有二人套餐，Ｄ野食都幾特別，睇圖都覺得幾吸引！
係唔想諗既情況下就食二人餐就最岩啦！
二人套餐，２個主菜，奉送是日餐湯及沙拉，以及包埋$28飲品２杯，都算唔錯。
最後我地２個人就叫左：
黑松露龍蝦意大利飯＋炭燒美國穀飼羊扒配蜜糖紫蘇汁＋是日餐湯（南瓜湯）＋沙拉
薄荷朱古力咖啡＋榛子朱古力
♥南瓜湯♥ 比我想像中好飲，味道都幾濃，入面仲有Ｄ南瓜熔，比起出面既南瓜湯好味！
♥沙拉♥ 就一般般啦，無咩特別，個醋都幾開胃。
南瓜湯＋沙拉
15 views
0 likes
0 comments
♥黑松露龍蝦意大利飯♥ 非常之好食！
唔好睇佢白色一碟唔知乜野，佢既味道係會令你下次都想再黎食呢一碟飯！
黑松露味好強，個汁好Creamy，個味道真係好夾，食完一啖好想再食一啖，唔係我浮誇。
龍蝦肉就反而唔係咁出，而且唔多，機乎唔係幾食到（都有，不過好少同好細粒）。
但係佢個味道真心好味！
黑松露龍蝦意大利飯
7 views
0 likes
0 comments
♥炭燒美國穀飼羊扒配蜜糖紫蘇汁♥ 比想像中有點失望，一般。
見到蜜糖紫蘇汁，就好想試下佢係咩味道，聽個名好似好吸引咁。
講下隻羊仔先，得２隻，老實講真係唔係好夠，唔會飽肚，
肉質一般，有Ｄ乾身，好就好在無羊既腥味。
佢個蜜糖紫蘇汁其實唔係好食得出係咩味道。。。
綠綠地色好似Ｄ和風紫菜咁既味，反而佢後面既薯角好似出色Ｄ。
炭燒美國穀飼羊扒配蜜糖紫蘇汁
14 views
0 likes
0 comments
♥薄荷朱古力咖啡＋榛子朱古力♥
無咩特別，不過不失啦！
薄荷朱古力咖啡＋榛子朱古力
7 views
0 likes
0 comments
佢個餐仲有個♥炭燒12 oz美國安格斯肉眼扒配黑松露汁♥，呢個睇人地食好似好吸引，
份量都幾大塊，下次再黎都會試下！
＊總結二人套餐埋單$288加一＊
Other Info. :
可能因為早左黎，無咩人，當時環境都幾清淨既。
(The above review is the personal opinion of a user which does not represent OpenRice's point of view.)
Post
