Burgeroom (美麗華廣場1期) (Closed)

大烤菇芝士牛肉漢堡+菠蘿$120，牛堡重牛味，size都幾厚身，鎖住肉汁唔乾身，溶左既芝士口感好正，加左片菠蘿清甜多汁，麵包亦都好軟身。牛油果醬芝士薯條$62，茄醬、牛油果醬、熱溶芝士，三樣混埋一齊層次好特別，薯條亦夠熱，要做運動消耗返d卡路里。布里芝士餅$50，有5條，煙煙韌韌口感加上外層香脆，一定要趁熱辣辣食，顧住食完一支又一支，忘記影下入面餡料。蜜桃冰茶$38，蜜桃味好突出，清爽冰涼，幾好飲，同朋友一人一杯。