海雲天

Open Now

Now Closed

兩星期前，在某網站見到有呢間紅磡海逸君綽酒店中菜廳點心放題，一心諗住點心差極有限。我同朋友11點前到，在門口有大sofa坐陣，跟著登記入座。位置，無可厚非，超級無敵海景，可惜玻璃窗冇點抹，厚厚一層塵。坐低，因為時間有限，所以就快點點心。最初點，都係標準嘢，燒賣、蝦餃等，都算對辦。之後再點一口腸粉、炸兩、皮蛋瘦肉粥。。。。。一食，就立即打個突，突然變咗食冷盤。唉，照食，又點兩份鮑汁鳳爪，甜品食埋，都冇來。侍應問有冇嘢未來，因為呢度用apps點菜，所以有咩未來，點記得？我叫侍應幫忙睇，結果都係冇。食完，除咗上網book時已經prepay 咗$158/位，來到再另外比茶價同加一，即係總共$200/位。茶價同加一，要來到先知。仲有，呢度既服務，比好多一般酒樓再差好多，侍應上菜，係放枱邊，自己放返枱中間。