海山板神

Open Now

Now Closed

第一次行呢個門町市場，發現原來開咗好多餐廳。「海山板神」主打食鐵板、石鍋拌飯和壽喜燒。餐廳裝修以夏日海洋風格為主，幾多卡位，坐得幾舒服。中午有午市套餐，價位70-80元，仲包括海帶湯、泡菜，幾抵食。我今次就叫咗日本宮崎縣a4和牛壽喜燒，套餐附送日本蘭王蛋、小食：泡菜、帆立貝邊、日韓式小吃。A4和牛有6大片，油脂豐富，肉質柔軟細膩，有口感，厚薄適中，$188，性價比高，因為好多外面餐廳得3塊，呢到係double up。之後仲有蔬菜🥬籃，有粉絲、冬菇、豆腐、娃娃菜，好大份，一個女仔食唔晒，因為仲有烏冬！甜醬油不會好濃稠，唔會太甜，而且燒嘅時候冇咁易黐底。