Video
Read full review
2025-06-19
2917 views
不會回頭朋友聚舊，因可以訂位，所以諗住試吓新嘢。訂咗閑日中午12點。去到發覺要上兩層樓梯，未知有否電梯供傷殘及坐輪椅人士使用。可能人人貪新鮮，樓梯上，小小嘅入口，擠滿等住安排入座嘅客人。入到去話要搭枱，現在飲茶真係好少係咁。除咗茶水及執枱由員工負責外，全自助。冇點心紙或QR code，要自己拿咭去排隊攞，見乜攞乜；如果見唔到你想食嘅嘢，都無奈。我哋兩個人只攞咗三碟點心。因地方逼夾，樓底矮，感覺好嘈，唔係聚舊傾偈嘅好地方。又冇心機出去排隊攞點心，於是提早埋單走人。（我哋逗留咗約一個鐘頭，但同枱已換咗兩批食客！似食快餐？）結論係： 食味冇特別，唔係難食，係大眾化酒樓水平。可惜冇人哋咁多款式。賣懷舊，等於回到過去？要讚嘅係，工作人員態度良好。
朋友聚舊，因可以訂位，所以諗住試吓新嘢。訂咗閑日中午12點。去到發覺要上兩層樓梯，未知有否電梯供傷殘及坐輪椅人士使用。
可能人人貪新鮮，樓梯上，小小嘅入口，擠滿等住安排入座嘅客人。
入到去話要搭枱，現在飲茶真係好少係咁。除咗茶水及執枱由員工負責外，全自助。冇點心紙或QR code，要自己拿咭去排隊攞，見乜攞乜；如果見唔到你想食嘅嘢，都無奈。我哋兩個人只攞咗三碟點心。因地方逼夾，樓底矮，感覺好嘈，唔係聚舊傾偈嘅好地方。又冇心機出去排隊攞點心，於是提早埋單走人。（我哋逗留咗約一個鐘頭，但同枱已換咗兩批食客！似食快餐？）
結論係：
食味冇特別，唔係難食，係大眾化酒樓水平。可惜冇人哋咁多款式。
賣懷舊，等於回到過去？
要讚嘅係，工作人員態度良好。
Post