Video
Read full review
2005-10-17
11 views
茶餐廳簡直係香港最偉大既發明！在中環亂碰亂撞，又周圍問下人…終於黎左蘭芳園！星期一既兩點半黎到，唔洗等位，不過地方比較迫。男朋友叫左個蔥油雞排撈丁加凍奶茶…碗丁唔算大，但係見佢唔會好乾身，亦都唔係好油，雞排煎得好靚，薑蔥份量適中唔會令個麵好咸，我試左一啖雞排，見佢煎得幾乾身，但食落一D都唔乾，肉汁鎖住係裡面，而且一D都唔"鞋"口，我男朋友話D雞皮仲好脆添！凍奶茶裡面果然係有一大粒奶茶冰冰，好得意！但我起初仲以為係全部冰都係奶茶冰冰添！我男朋友話奶茶果真好滑，但佢認為都係太興既"冰鎮奶茶"正D…可能因為佢真係連一粒冰都無啦！我見到有沙嗲牛肉包，當然要試啦！事關唔係間間茶餐廳都有得食，要好食既就更難得…今次哩個唔夠沙嗲味，但牛肉都幾多，同埋唔會好似坊間既沙嗲牛肉咁"乸"到"淋"哂又無牛肉味，哩個保留到牛肉味同肉質自然…至於個包就普通D喇…都幾軟，但焗得唔夠香同脆…凍檸水少甜都唔係好覺佢少左甜，但係檸檬夠多，好夠酸又唔澀，好味！員工幾有禮貌，食物上得好快！有樣野好特別…茶餐廳有煎蘿蔔糕食，好多粥店都未必有，有機會都要試下！
在中環亂碰亂撞，又周圍問下人…終於黎左蘭芳園！
星期一既兩點半黎到，唔洗等位，不過地方比較迫。
男朋友叫左個蔥油雞排撈丁加凍奶茶…
碗丁唔算大，但係見佢唔會好乾身，亦都唔係好油，雞排煎得好靚，薑蔥份量適中唔會令個麵好咸，我試左一啖雞排，見佢煎得幾乾身，但食落一D都唔乾，肉汁鎖住係裡面，而且一D都唔"鞋"口，我男朋友話D雞皮仲好脆添！
凍奶茶裡面果然係有一大粒奶茶冰冰，好得意！但我起初仲以為係全部冰都係奶茶冰冰添！我男朋友話奶茶果真好滑，但佢認為都係太興既"冰鎮奶茶"正D…可能因為佢真係連一粒冰都無啦！
我見到有沙嗲牛肉包，當然要試啦！事關唔係間間茶餐廳都有得食，要好食既就更難得…今次哩個唔夠沙嗲味，但牛肉都幾多，同埋唔會好似坊間既沙嗲牛肉咁"乸"到"淋"哂又無牛肉味，哩個保留到牛肉味同肉質自然…至於個包就普通D喇…都幾軟，但焗得唔夠香同脆…
凍檸水少甜都唔係好覺佢少左甜，但係檸檬夠多，好夠酸又唔澀，好味！
員工幾有禮貌，食物上得好快！
有樣野好特別…茶餐廳有煎蘿蔔糕食，好多粥店都未必有，有機會都要試下！
Post