一盛極牛 (Closed)

朋友知道嚟到呢度開咗間牛骨湯拉麵，一直未有機會去試，其實佢嘅地理位置唔錯，喺諾士佛台行落嚟一望就見到。呢度有兩款拉麵我揀咗極牛拉麵，可能就係有好多牛嘅意思，裏面嘅牛真係多不勝數！不下10塊，裏面可以落嘅配料有好多，職員提醒我配料都唔好落多過四款，如果唔係湯底就會變凍唔夠熱，真係好細心，最後我揀咗比較少食嘅紫洋蔥、黑木耳同紅椒絲。仲有個留心蛋，中間嘅蛋黃仲有起沙嘅感覺！唔使5分鐘就有得食！碗麵好大碗，麵嘅質感同平時嘅拉麵唔同，而且湯底好清，有牛肉浸出嚟嘅味道，真係好不錯。結帳嘅時候碗拉麵都唔使$120，真材實料好。